WWE NXT Review 6/11/2013 (by Connie Williams)

Another wee article fae Connie. I'll no have time tae dae NXT  mysell anymore, so hopefully she'll write about it on a regular basis. I only really dae this wee intro hing just so folk don't hink im taking credit for someone elses writing. This is my pish here. Below in the writing that isnae italics? that's aw Connie meht. Wire in

NXT starts wi Sylvester Lefort, he's in the back wi this braw blonde burd, he's wanting tae know wit the script is wi yon Alexander Rusev, this lassie speaks in Russian though and he's no got a clue wit she's spewing so he walks away. This sets us up for the first match.

 

Sylvester Lefort v Alexander Rusev

Before the match even sterts Lefort offers Rusev cash so he doesny totally batter his cunt in, Rusev wasny having any ae that though, Rusev connects wi a body block and locks in the Camel Clutch, Lefort taps oot and thats that, next.

Next wee say Ric Flairs wane Charlotte and Bayley having a wee chat. They chat aboot how Bayleys heed band has been fixed, right intriguing stuff. Bayley woooos and Charlotte isny chuffed, she's lit aht 'yer no ma da'. The bold and beautiful Summer Rae and Sasha Banks walk upty the pair and Charlottes lit aht 'wit use wanting'. The lassies say they wanty say sorry for breaking Bayleys heed band and they have her a new yin. Bayley says cheers. Summer wants tae ken wiy Charlottes aw raging wi them, Charlotte says she's no needing aner step maw and that her issue is wi them twa walking aboot like they run the locker room. Charlotte says tae Bayley that they dinny need to be pals wi Sasha and Summer but Bayley disagrees cause she hinks they are 'cool'. Summer tells them wits happened tae Sasha since they became best pals. She will be on Raw, ppvs, international tours and photie shoots. Summer tells Bayley they can use somewan like her. Bayley then has tae haud Charlotte back fae leathering the pair, and Charlotte geez wee Bayley grief for wooing again.

Aye so a bit of decent diva drama here, better than most pish yi here the divas spewing. Gid lassies.

Efter a wee break we're aw set for match number twa.

El Local v Leo Kruger

Wee El Local is Ricardo Rodriguez in a mask btw, just incase yi didny ken. Kruger misses a foreairm and El Local punches him. Kruger hits a spinebuster for a near fall. Kruger knees El Local as he runs him inty the ropes. Kruger then hits him wi a back elby. Kruger manages tae run inty a boot and Local goes tae yon turnbuckles but Kruger pulls him aff said turnbuckles and ontae the mat. Kruger then kicks El Local a coupla times then sends him inty the turnbuckles. Kruger hits the Slice and follows it wi a snap suplex, he then hits aner snap suplex and then hits a third yin. He floats er into a guillotine choke and wee Local taps oot. He had nae choice, it was sare. Leo Kruger gets the win.

I'm a huge Kruger fan, he's talented in the ring and on the mic and will nae doubt have a bright future as a heel in the dubya dubya e. No really sure wit more he can do to advance to the main roster, I personally hink he's more than proved himself worthy enough. This was a short but no bad match, nice tae see Ricardo anaw.


Next we take a quick swatch at wits been happening wi Paige and Emma er the last coupla weeks. We see some footage of Paige shouting at Emma. Emma says 'it was an accident' and Paige was like naw wit I did was an accident. Paige then tells Emma tae get hersel tae fuck. As Paige leaves Emma says there's suhin up wi that lassie.

Next match then aye?

Travis Tyler and Troy McLain v Conor O’Brian and Rick Victor in a Non Title Match

Tyler and Victor stert things aff. Victor gets a waist loack take doon on the go and then a wee kick. Victor then runs Tyler inty the turnbuckles and then tags in Conor. Conor shooders Tyler and hits him wi a few side heed loack take doons. Victors tagged in and he connects wi a STO. O'Brian tags in and connects wi a flapjack. Victors tagged back in and him and Conor hit a double clothesline and then the Fall of Man this gives Victor the three counts. Meaning yer winners are Conor O’Brian and Rick Victor.

No got much to say aboot this match really other than it was short and The Ascension are just poond shoap replicas of Taker, very very shite ones.

Next match?

Mojo Rawley v Ty Dillinger

The boays loack up, Rawley backs Ty inty the corner but he geez a clean break, cause he's a gid guy, has feelings n shit. Ty then avoids Rawley and he chops him inty the corner but Rawley fights back wi a shooder tackle. Rawley gets Ty up but he gets tae his feet and hits a side Russian Leg sweep. Ty then chokes Rawley in the ropes. Ty chops Rawley a coupla times and follows that wi a snap mare and a wee knee tae the back. Rawley punches Ty a wee bit, but Ty connects wi a drop toe hold then he geez him a cross face. Ty then rakes  the coopin of Rawley but Rawley slams him and he keeps him in the corner, when Ty attempts tae escape he sends him right back. Rawley hits Ty wi a few Stinger Splashes the most beautiful of all the splashes and follows this wi a running butt splash and gets himsel the three count meaning yon Mojo Rawley is yer winner.

I like Rawley, gid wrestler. But all I could think at this point was all I've seen so far is four squash matches, mon cut the shite here.

We have a Raw Rebound cause we aw have to be reminded aboot 8 million times wit happens oan raw.

It's announced that next week it will be wee Bayley and Charlotte v Summer Rae and Sasha Banks. That'll be braw. We're also told that we'll also see Adrian Neville face his former tag partner Corey Graves in a 2 outta three falls match. YASSSS. I'm Graves daft and I can promise yi that match will be a belter.

The next match is pretty fucking special btw. If you haveny watched it then please do.

Luke Harper v Kassius Ohno

Ohno hits a dropkick as soon as yon bell rings and elbys Harper abit. Harper connects wi an uppercut but Ohno punches him. Ohno connects wi a double sledge and some kicks and follows this wi a chop then boots Harpers dome and foreairm. Ohno knees Harper but Harpers having nane ae that and geez him a punch and a foreairm but Ohno hits a foreairm of his ain followed by a few kicks. Ohno then geez Harper a chop. Harper irish whips Ohno but then he uppercuts the big guy. Harper connects wi a back body drop and follows this wi a wee chop and then choked Ohno on the ropes. Leave him alaine ya big dafty yi. Harper then connects wi a lovely European uppercut, a Cesaro Uppercut, Ohno tries tae kick Harper but he manages tae block it and connects wi a foreairm. Harper then goes foreairm and uppercut daft on Ohno in the corner. Harper then slams and kicks yon Ohno then rakes his eyes cause he's a heel and heels dae that. Harper then backs Ohno inty the corner and geez him a hard irish whip. Harper kicks Ohnos chest but he hits Harper wi a wee chop and a foreairm. Harper connects wi an uppercut and flares Ohno. Harper then heed butts Ohno and kicks him. Harper then stands oan Ohnos leg but he manages to get tae the corner and kick Harper. Harper hits Ohno wi a few shots tae the chest and follows this wi a cravate. Ohno backs Harper inty the corner but Harper shooders him and the refs geez Harper a row, ya bad man. Ohno kicks Harper but he responds tae that wi aner uppercut. Harper heed butts Ohno and flares him. Ohno then does a baseball slide and we go tae a really fucking stupid no needed break, bolt. Once that was er we see Ohno connect wi a back senton for a near fall. Ohno hits Harper wi an elby tae the tap of his heed, take that ya big ride yi but then Harper hits a foreairm. Ohno geez him a wee chop and goes tae yon apron on an irish whip and Harper boots Ohnos coopin aff and that knocks him aff the apron. Ohno is able tae make it in just before the ref got tae ten. Harper connects wi a series of elby draps when Ohnos back in, Harper gets a near fall. Harper then stands on his heed and kicks him. Harper chops and uppercuts him then sends him coopin first inty the mat. Harper irish whips Ohno but misses a splash  in the corner, Ohno nearly wins the match wi a cheeky rollup. Harper hits Ohno wi aner uppercut, uppercut daft the night so'n he is. Harper loacks in a front coopin loack and then Gator rolls Ohno aw er the ring while still loacking in that front coopin loack. Braw.

The big man impresses me mare everytime he gets in the ring. Ohno knees Harper but Harper hits a body block and kicks Ohno tae yon apron. Harper then catapults Ohnos throat inty the middle rope then works on his neck, Ohno connects wi a dropkick to Harpers dome and baith boays are on their knees. Ohno then avoids a clothesline fi Harper, geez him some foreairms and follows this wi a flying clothesline, Ohno wi a foreairm which sent Harper inty the corner and he goes up tap for a Blockbuster, this gets him a near fall. Ohno kicks Harper but he responds wi a Bossman Slam getting himsel aner near fall. Harper then connects wi a running boot to Ohnos coopin getting aner near fall. Harper then connects wi a splash inty the corner on Ohno but he responds wi a roaring elbow but Harper kicks oot so Ohno kicks him a wee bit. Then just as yi hink YASSS OHNO Harper hits his stoater of a Lariat and gets the three count. Meaning yon Luke Harper wins this wan.


Now that's what yi call a main event. It totally made up for the four total squashers we saw earlier. As I mentioned Harper impresses me more everytime he steps in that ring, I'll no need tae remind yi of the absolute peach of a match he had wi Punk eh? For yin ae the big guys he can fair go. Kassius Ohno aka Chris Hero, makes yi greet ae? Makes yi greet he's no oan Raw wi aw the belts. He's in my all time top ten favourite wrestlers. Never had a bad match in his full career. It saddens me to think this was probably the last we'll see of him on NXT, apparently WWE decided to let him go. I canny begin to understand why they done that, but I've realised the wrastlin industry is a very confusing place. It's been said that the problem wi Hero was he refused to get in shape, tae me he's in perfect shape, so I can only assume they mean he refuses tae pump his body full ae steroids. The guy can wrestle better than anyone on the Raw roster, he is amazing on the mic tae. All I ever hoped for was Hero and Punk main eventing everyhin. Hero is a fucking star, a WRESTLER. I hope one day WWE cut the shite, open their eyes and minds and see Hero as the wrestling god he really is. Scunnering. Anyways this was last weeks NXT review, 4 squashers and an absolutely flawless match. There yi have it